దేవుళ్ళు -- మహా కనకదుర్గా విజయ కనకదుర్గా
మహా కనకదుర్గా విజయ కనకదుర్గా
పరాశక్తి లలితా శివానంద చరిత "మహా"
శివంకరి శుభంకరి పూర్ణచంద్ర కళాధరి
బ్రహ్మ విష్ణు మహేశ్వరుల
సృష్టించిన మూలశక్తి
అష్ఠాదశ పీఠాలను అధిష్టించు ఆదిశక్తి "మహా"
ఓంకార రావాల అరుణ కృష్ణాతీరంలో
ఇంద్రకీల గిరిపైన వెలసెను క్రుతయుగములోన
ఈ కొండపైన అర్జునుడు.. తపమును గావించెను,
పరమశివుని మెప్పించి పాశుపతము పొందెను
విజయుడైన అర్జుని పేరిట,
విజయవాడ అయినది ఈ నగరము
జగములన్నియు జేజేలు పలుకగా
కనకదుర్గకైనది స్థిరనివాసము
మేలిమి బంగారు ముద్దపసుపు కలగలిపిన వెన్నెలమోము
కోటి కోటి ప్రభాతాల అరుణమణియే కుంకుమ
అమ్మ మనసుపడి అడిగి ధరించిన కృష్ణవేణి ముక్కుపుడక
ప్రేమ కరుణ వాత్సల్యం కురిపించే దుర్గరూపం
ముక్కోటి దేవతలందరికీ ఇదియే ముక్తి దీపం "మహా"
దేవి నవరాత్రులలో
వేదమంత్ర పూజలలో
స్వర్ణ కవచములు దాల్చిన
కనకదుర్గాదేవి
భవబంధాలను బాపే బాలా త్రిపురసుందరి
నిత్యానందము కూర్చే అన్నపూర్ణాదేవి
లోకశాంతినే సంరక్షించే సుమంతమూర్తి గాయత్రీ
అక్షయ సంపదలెన్నో అవని జనులకందించే
దివ్యరూపిణి మహాలక్ష్మి
విద్యా కవన గానమొసగు వేదమయి సరస్వతి
ఆయురారోగ్యాలు భోగభాగ్యములు ప్రసాదించు మహాదుర్గ
శత్రు నివాసిని సత్యస్వరూపిణి మహిషాసురమర్ధిని
విజయకారిణి అభయ రూపిణి శ్రీ రాజరాజేశ్వరీ
భక్తులందరికీ కన్నుల పండగ అమ్మా
నీ దర్శనం దుర్గామ్మా నీ దర్శనం "మహా"
No comments:
Post a Comment